Add a review
You must be logged in to post a review.
തെരഞ്ഞെടുത്ത കഥകള്‍
₹200.00 ₹170.00 15% off
In stock
ISBN 13: 978-81-8266-303-4 Publisher: Mathrubhumi
Specifications Pages: 0 Binding:
About the Book
അനുഭവസമ്പത്തുകൊണ്ടനുഗൃഹീതനായ പ്രശസ്ത കഥാകൃത്ത്. ജീവിതത്തിന്റെ നാനാത്വങ്ങളില്‍ താഴ്ന്നു മുങ്ങിപ്പോയ പ്രയാണം. 1952-ല്‍ 19-ാമത്തെ വയസ്സില്‍ പ്രസിദ്ധീകരിച്ച ‘കരയുന്ന കാല്‍പ്പാടുകള്‍’ എന്ന കഥാസമാഹാരം പേറി നാടുമുഴുക്കെ അലഞ്ഞു ഹതാശയനും ദുഃഖിതനുമായ ഒരെഴുത്തുകാരന്റെ മുഖമുദ്രയുമായി രംഗപ്രവേശം ചെയ്ത പുതൂരിന്റെ തെരെഞ്ഞെടുത്ത കഥകള്‍ ആദ്യപതിപ്പായി പുറത്തുവരുന്നത് 1975 ജൂലായ് മാസത്തിലാണ്. അന്നേവരെ പ്രസിദ്ധീകരിച്ച 15 കഥാസമാഹാരങ്ങളില്‍നിന്നും തെരഞ്ഞെടുത്ത 52 കഥകളാണ് ഇതില്‍ ഉള്‍പ്പെടുത്തിയിട്ടുള്ളത്. സാഹിത്യപ്രവര്‍ത്തക സഹകരെണസംഘം പ്രസിദ്ധപ്പെടുത്തിയ പ്രസ്തുത കൃതിയുടെ മൂന്നാം പതിപ്പാണിത്. ഈറന്‍ മുള്ളും നനഞ്ഞ കണ്ണുകളും, നക്ഷത്രക്കുഞ്ഞ്, പാവക്കല്ല്യാണം, നനഞ്ഞ തൂവലുകള്‍, ഒരു മുക്കാല്, പെങ്ങളെ ഞാന്‍ ദുഃഖിക്കുന്നു, കടിഞ്ഞൂല്‍ പ്രസവം, ഒഴിവുദിനം, മരിച്ചവര്‍ക്ക് പൂക്കള്‍, വിശക്കുന്ന ദൈവപുത്രന്മാര്‍, ഗോപുരവെളിച്ചം തുടങ്ങിയ കഥകള്‍ അനുവാചക ലോകത്തിന്റെ ആത്മാവിനെ നൊമ്പരപ്പെടുത്തിയവയാണ്. യശഃശരീരനായ പ്രശസ്ത നിരൂപകന്‍ തായാട്ട് ശങ്കരനാണ് ഈ കഥകളെ അവലോകനം ചെയ്തിരിക്കുന്നത്.
The Author 
മലയാളത്തിലെ പ്രശസ്ത കഥാകൃത്ത്, നോവലിസ്റ്റ്. 1933ല്‍ തൃശ്ശൂര്‍ ജില്ലയിലെ എങ്ങണ്ടിയൂരില്‍ ജനിച്ചു. അച്ഛന്‍ കല്ലാത്ത് ചുള്ളിപ്പറമ്പില്‍ ശങ്കുണ്ണിനായര്‍. അമ്മ പുതൂര്‍ ജാനകിഅമ്മ. ചാവക്കാട് ബോര്‍ഡ് സ്‌കൂളിലും പാലക്കാട് ഗവ. വിക്ടോറിയ കോളേജിലും വിദ്യാഭ്യാസം. രാഷ്ട്രീയപ്രവര്‍ത്തകനും(സോഷ്യലിസ്റ്റ് പ്രസ്ഥാനം) തൊഴിലാളി നേതാവുമായിരുന്നു. ഗുരുവായൂര്‍ ദേവസ്വം ലൈബ്രറി എസ്റ്റാബ്ലിഷ്‌മെന്റ് വകുപ്പുമേധാവിയായി ഔദ്യോഗിക ജീവിതത്തില്‍നിന്നും വിരമിച്ചു. ഗുരുവായൂര്‍ ദേവസ്വം ഭരണസമിതി അംഗം, കേരള സാഹിത്യ അക്കാദമി ജനറല്‍ കൗണ്‍സില്‍, നിര്‍വാഹകസമിതി അംഗം, സംഗീത നാടക അക്കാദമി ജനറല്‍ കൗണ്‍സില്‍ അംഗം, സാഹിത്യ പ്രവര്‍ത്തക സഹകരണ സംഘം ഡയറക്ടര്‍ ബോര്‍ഡ് അംഗം, പ്രസിഡന്റ്, ഭക്തപ്രിയ മാസികയുടെ സ്ഥാപക പത്രാധിപസമിതി അംഗം എന്നീ നിലകളില്‍ പ്രവര്‍ത്തിച്ചിട്ടുണ്ട്. അറുനൂറോളം കഥകള്‍ എഴുതി. ആദ്യ കഥാസമാഹാരം കരയുന്ന കാല്പാടുകള്‍. ഇരുപത്തിയൊന്‍പത് കഥാസമാഹാരങ്ങള്‍, പതിനഞ്ച് നോവലുകള്‍, ഒരു കവിതാസമാഹാരം, ജീവചരിത്രം, അനുസ്മരണങ്ങള്‍ തുടങ്ങി അന്‍പതോളം കൃതികള്‍ പ്രസിദ്ധീകരിച്ചു. ബലിക്കല്ല്(ഇംഗ്ലീഷിലും തമിഴിലും പരിഭാഷപ്പെടുത്തിയിട്ടുണ്ട്), നാഴികമണി, മനസ്സേ ശാന്തമാകൂ, ആട്ടുകട്ടില്‍, പാവക്കിനാവ്, ആനപ്പക, ആത്മവിഭൂതി, അമൃതമഥനം, ജലസമാധി, വേദനകളും സ്വപ്നങ്ങളും, നിദ്രാവിഹീനങ്ങളായ രാവുകള്‍, ഡെലന്‍തോമസിന്റെ ഗാനം, സുന്ദരി ചെറ്യേമ്മ, നക്ഷത്രക്കുഞ്ഞ്, ഗോപുരവെളിച്ചം, മകന്റെ ഭാഗ്യം, കംസന്‍, ഒരു ദേവാലയത്തിന് ചുറ്റും, തള്ളവിരല്‍, പുതൂരിന്റെ കഥകള്‍, മറക്കാനും പൊറുക്കാനും, തിരഞ്ഞെടുത്ത കഥകള്‍, കാലത്തിന്റെ കളി, എന്റെ നൂറ്റൊന്ന് കഥകള്‍ തുടങ്ങിയവ മുഖ്യകൃതികള്‍. കേരള സാഹിത്യ അക്കാദമി അവാര്‍ഡ്(ബലിക്കല്ല്), ജി. സ്മാരക അവാര്‍ഡ്(നാഴികമണി), പത്മപ്രഭാ പുരസ്‌കാരം(എന്റെ നൂറ്റൊന്ന് കഥകള്‍) എന്നിവ ലഭിച്ചിട്ടുണ്ട്. ഭാര്യ: തങ്കമണിഅമ്മ. മക്കള്‍: ഷാജു, ബിജു. വിലാസം: ജാനകീസദനം, ഗുരുവായൂര്‍.
Reviews
There are no reviews yet.