Description
ചിലരുടെ എഴുത്തു വായിക്കുമ്പോള് നമ്മള് ഈ പ്രപഞ്ചത്തിന്റെ ധാരയില് പെട്ടുപോകുന്നതായി തോന്നും. അതിന് പ്രായവും
പക്വതയും കാലവും ദേശവുമൊന്നും പ്രശ്നമല്ല. ഒരേ ഭൂമി
പങ്കുവെക്കുന്നതില് എവിടെയോ ഉള്ള പാരസ്പര്യം. അത്
എങ്ങനെയോ സൂക്ഷ്മമായി അനുഭവിക്കാന് കഴിയുന്നു.
എങ്ങനെ, എവിടുന്ന് എന്നറിയില്ല. അതുകൊണ്ടാണ് ഈ
എഴുത്ത് എന്നു പറയുന്ന പരിപാടി നിഗൂഢമാണെന്നു പറയുന്നത്. ഈ കഥകളെഴുതിയ പ്രവീണയുടെ എഴുത്തിലെ ചില ഇടങ്ങള്, എന്റെ ഉള്ളിലെ ജീവകണങ്ങള്ക്കിടയില് ചിലതിനോടൊക്കെ ഇണക്കം പ്രഖ്യാപിക്കുന്നു…
-ജി.ആര്. ഇന്ദുഗോപന്
തിയറി, തെറിവണ്ടി, വൈറോളജി, ഉ.സാ.ഘ, പട്ടം, കത്തി,
ഭൂതലസംപ്രേഷണം, അഷ്ടമൂര്ത്തി, പുല്ലിംഗം എന്നീ
ഒന്പതു കഥകള്.
വി. പ്രവീണയുടെ ആദ്യ കഥാസമാഹാരം
