വായനയുടെ നവ്യാനുഭവം ഓരോ വരിയിലൂടെ കടന്നുപോവുമ്പോഴും നിങ്ങളെ സ്​പര്‍ശിക്കും എന്ന് എന്റെ അനിയന്റെ ഈ സൃഷ്ടിയുടെമേല്‍ വലംകൈ വെച്ചു ഞാന്‍ പറയും…
– രഞ്ജിത്ത്

‘ഓര്‍ത്തുനോക്കുമ്പോള്‍’ സത്യത്തിന്റെ പുസ്തകമാണ്. ഇവിടെ ഒരു
വരിയോ വാക്കോ പോലും ലക്ഷ്യംകാണാതെ പോകുന്നില്ല. ചിലപ്പോള്‍ എഴുത്തുകാരന്‍ നമ്മെ വിഭ്രമിപ്പിക്കുന്നു. സുന്ദരമായ വാക്കുകളുടെ
മനോഹാരിത കാട്ടി കൊതിപ്പിക്കുന്നു. അനുഭവങ്ങളുടെ തീവ്രതയാല്‍
അമ്പരപ്പിക്കുന്നു. ഭാവനയുടെ ആകാശനീലിമയാല്‍ അസൂയപ്പെടുത്തുന്നു.
– കെ.രേഖ

ഓര്‍മയും കാലവും ഊടുംപാവുമാകുന്ന കാന്‍വാസില്‍ ശരത്
തീര്‍ക്കുന്ന വാങ്മയചിത്രങ്ങള്‍ നമ്മെ സ്വപ്‌നതുല്യമായ
ഭൂതകാലത്തിലേക്ക് എത്തിക്കുന്നു. പഴയ സൗഹൃദങ്ങള്‍, ഇഷ്ടങ്ങള്‍,
പിണക്കങ്ങള്‍, ഓര്‍മയുടെ അടരുകളില്‍ എവിടെയോ നഷ്ടമായ
കാഴ്ചകള്‍… എല്ലാം ഉണര്‍ന്നുവരുന്ന അപൂര്‍വമായ അനുഭവം.
ഗൃഹാതുരതയുടെ തുരുത്തുകളിലേക്കുള്ള ഹൃദ്യമായ യാത്ര.