M.Jayaraj

എം. ജയരാജ്പൊന്നാനിക്കാരന്‍. 1978 മുതല്‍ മാതൃഭൂമിയില്‍. മികച്ച മാദ്ധ്യമപഠനത്തിനുള്ള കേസരി സ്മാരക പുരസ്‌കാരം (2014), മികച്ച മാദ്ധ്യമ ഗവേഷണപഠനഗ്രന്ഥത്തിനുള്ള ഇ.കെ. അബൂബക്കര്‍ സ്മാരക പുരസ്‌കാരം (2015), മികച്ച മാദ്ധ്യമഗ്രന്ഥത്തിനുള്ള വി.ടി. കുമാരന്‍ സ്മാരക പുരസ്‌കാരം (2016), മികച്ച മാദ്ധ്യമ ഗവേഷണ പഠനത്തിന് തൃശ്ശൂര്‍ സഹൃദയവേദിയുടെ പുരസ്‌കാരം (2018) എന്നിവ മലയാള അച്ചടിമാദ്ധ്യമം: ഭൂതവും വര്‍ത്തമാനവും എന്ന കൃതിക്ക് ലഭിച്ചു. മാതൃഭൂമി സ്‌പോര്‍ട്‌സ് മാസികയില്‍ പ്രസിദ്ധീകരിച്ച 'അന്‍പതാണ്ടിന്റെ പാദമുദ്രകള്‍' എന്ന പരമ്പരയ്ക്ക് കോമാട്ടില്‍ രാമന്‍കുട്ടി മേനോന്‍ പുരസ്‌കാരവും 'തിരനോട്ടം' എന്ന പേരില്‍ ചിത്രഭൂമി വാരികയില്‍ പ്രസിദ്ധീകരിച്ച മലയാള സിനിമാചരിത്രപരമ്പരയ്ക്ക് അല ചലച്ചിത്രലേഖന പുരസ്‌കാരവും ലഭിച്ചു. 2018ലെ ഏറ്റവും മികച്ച ചലച്ചിത്രഗ്രന്ഥത്തിനുള്ള സംസ്ഥാന പുരസ്‌കാരം മലയാള സിനിമ പിന്നിട്ട വഴികള്‍ എന്ന ഗ്രന്ഥത്തിനു ലഭിച്ചു. മഹാത്മജി മാതൃഭൂമി രേഖകള്‍, മാതൃഭൂമി വിശ്വോത്തരകഥകള്‍, മാതൃഭൂമിയും ബഷീറും, മാതൃഭൂമിയും എസ്. കെ. പൊറ്റെക്കാട്ടും എന്നീ പുസ്തകങ്ങളും പ്രസിദ്ധീകരിച്ചിട്ടുണ്ട്. ഭാര്യ: വി. ഉഷ. മക്കള്‍: പാര്‍വ്വതി, ലക്ഷ്മി. വിലാസം: ഉണ്ണിമായ, താഴെ പുനത്തില്‍, ചേവായൂര്‍ പി.ഒ., കോഴിക്കോട് 673017. email:jayarajmulakkal@gmail.com