പുനത്തിലിന്റെ സമ്പൂര്‍ണ കഥകള്‍
₹900.00 ₹765.00
15% off
In stock
കുഞ്ഞബ്ദുള്ളയുടെ ആദ്യകാലകഥകളിലൂടെ അദ്ഭുതത്തോടെയാണ് ഞാന്‍ കടന്നുപോയത്. ലളിതമായ ആഖ്യാനവും നര്‍മവും വൈക്കം മുഹമ്മദ് ബഷീറിന്റെ പിന്‍ഗാമിയായി അവനെ കാണുവാന്‍ പലരെയും പ്രേരിപ്പിച്ചിരുന്നു. ഞാനും അങ്ങനെത്തന്നെയാണ് കരുതിയത്. – എം. മുകുന്ദന്‍
ആധുനികതയ്ക്കുമുന്‍പും പിന്‍പുമുള്ള കാലദേശങ്ങളെ സമന്വയിപ്പിക്കുകയാണ് ഒരര്‍ത്ഥത്തില്‍ കുഞ്ഞബ്ദുള്ള ചെയ്തതുകൊണ്ടിരിക്കുന്നത്. ഒരിക്കലും നഷ്ടമാകാത്ത സമകാലികത ആ കഥകള്‍ക്കുണ്ടാവുന്നതും അതുകൊണ്ടുതന്നെയാണം. ഈ സമന്വയത്തിന്റെ മൗലികതയും സൗന്ദര്യവും അദ്ദേഹത്തിന്റെ ഭാഷയിലും കണ്ടെത്താം. ആധുനികതയുടെ ഭാഷാവഴക്കങ്ങള്‍ക്കു ബദലായ ഒരുതരം അനലംകൃതമായ സരളഗദ്യത്തിലാണ് പുനത്തിലിന്റെ കഥകള്‍ എഴുതപ്പെട്ടിരിക്കുന്നത്. – എന്‍. ശശിധരന്‍
മാതൃഭൂമി ആഴ്ചപ്പതിപ്പിലെ ബാലപംക്തിയില്‍ എഴുതിയ ആദ്യകഥമുതല്‍ ആറു പതിറ്റാണ്ടുകളിലായി പുനത്തില്‍ കുഞ്ഞബ്ദുള്ള എഴുതിയ മുഴുവന്‍ കഥകളും. മലയാള ചെറുകഥയില്‍ സുവര്‍ണകാലം സൃഷ്ടിച്ച എഴുത്തുകാരന്റെ സമ്പൂര്‍ണ കഥകളുടെ സമാഹാരം.
ആധുനിക മലയാളസാഹിത്യത്തിലെ പ്രമുഖ കഥാകൃത്തും നോവലിസ്റ്റും. സ്മാരകശിലകള്‍, കന്യാവനങ്ങള്‍, മരുന്ന്, കൃഷ്ണന്റെ രാധ, അലിഗഡിലെ തടവുകാരന്‍, നവഗ്രഹങ്ങളുടെ തടവറ, നരബലി, ആകാശത്തിനുമപ്പുറം, മലമുകളിലെ അബ്ദുള്ള, പുതിയ മരുന്നും പഴയ മന്ത്രവും, കുറേ സ്ത്രീകള്‍, ക്ഷേത്രവിളക്കുകള്‍ തുടങ്ങിയവ പ്രധാന കൃതികള്‍. 1940ല്‍ ജനിച്ചു. അലിഗഡ് മുസ്‌ലിം സര്‍വകലാശാലയില്‍നിന്ന് എം.ബി.ബി.എസ്. നോവല്‍, കഥകള്‍, നോവലെറ്റുകള്‍, അനുഭവങ്ങള്‍, യാത്രാവിവരണം എന്നീ വിഭാഗങ്ങളിലായി മുപ്പത്തഞ്ചോളം രചനകള്‍. കേന്ദ്ര, കേരള സാഹിത്യ അക്കാദമി അവാര്‍ഡുകള്‍, മുട്ടത്തുവര്‍ക്കി ഫൗണ്ടേഷന്‍ അവാര്‍ഡ്, വിശ്വദീപ പുരസ്‌കാരം എന്നിവ ലഭിച്ചിട്ടുണ്ട്. ഭാര്യ: ഹലീമ. വിലാസം: വടകര, കോഴിക്കോട്673 101.
