മുംബൈ
₹160.00 ₹136.00
15% off
In stock
‘മുംബൈ’ എന്ന നോവലിനു ധാരാളം സവിശേഷതകളുണ്ട്.
അവയിലൊന്ന് സാമ്പ്രദായികവഴികളിൽനിന്ന് നോവലിസ്റ്റ്
വഴിമാറി നടക്കുന്നു എന്നതാണ്. ഇവിടെ രേഖീയമായ കഥയില്ല.
ഒരുപക്ഷേ, കഥപോലുമില്ല. വീണുചിതറിയ ഒരു കണ്ണാടിപോലെയാണ് ഈ നോവൽ.
ചിതറിക്കിടക്കുന്ന കണ്ണാടിത്തുണ്ടുകൾ ചേർത്തുവെച്ച് അതിൽ
മുംബൈനഗരത്തിന്റെ മുഖം കാണുവാനാണ് നോവലിസ്റ്റ്
നമ്മെ ക്ഷണിച്ചുകൊണ്ടുപോകുന്നത്. ഇതിൽ ബിംബസമുച്ചയങ്ങൾ ഇല്ല. ഇന്ന്
നമ്മുടെ നോവലുകളിൽ ധാരാളമായി കാണുന്ന
ഭാഷയുടെ സങ്കീർണതകളില്ല. ആർഭാടങ്ങളില്ല. മിനിമലിസമാണ്
ലിസിയുടെ ആഖ്യാനത്തിന്റെ ബലം.
-എം. മുകുന്ദൻ
മുംബൈ എന്ന മഹാനഗരത്തെ പശ്ചാത്തലമാക്കി
എഴുതിയ പ്രശസ്ത നോവലിന്റെ പുതിയ പതിപ്പ്
ലിസി പയ്യപ്പിള്ളി പെരുമ്പുള്ളിക്കാടന്‍ വറീതിന്റെയും മറിയത്തിന്റെയും മകളായി തൃശ്ശൂര്‍ കിഴക്കേക്കോട്ടയില്‍ ജനനം. സി.എസ്.ബി. ബാങ്കില്‍ ചീഫ് മാനേജരായി വിരമിച്ചു. ആദ്യ നോവലായ മുംബൈ, മാതൃഭൂമി ബുക്‌സ് നോവല്‍ അവാര്‍ഡിനും എസ്.കെ. മാരാര്‍ അവാര്‍ഡിനും അര്‍ഹമായി. രണ്ടാമത്തെ നോവല്‍ വിളനിലങ്ങള്‍. വിലാപ്പുറങ്ങള്‍ക്ക് 2015ലെ എം.പി. പോള്‍ സാഹിത്യപുരസ്‌കാരം, സാഹിത്യവിമര്‍ശം അവാര്‍ഡ്, 2016ലെ യുവകലാസാഹിതിയുടെ രാജലക്ഷ്മി അവാര്‍ഡ്, 2017ലെ കെ.സി.ബി.സി. മീഡിയ സാഹിത്യ അവാര്‍ഡ് എന്നിവ ലഭിച്ചു. ബോറിബന്തറിലെ പശു എന്ന കഥാസമാഹാരത്തിന് 2018ലെ മുതുകുളം പാര്‍വ്വതി അമ്മ അവാര്‍ഡ്, 2019ലെ അവനിബാല പുസ്‌കാരം എന്നിവ ലഭിച്ചു. ഭര്‍ത്താവ്: ജോയ് തോമസ് കെ. മക്കള്‍: നിനു ടോം, ഡോ. നിതിന്‍ ജോയ്. വിലാസം: വലന്റയിന്‍സ്, ബ്ലൂം ഫീല്‍ഡ്, അരണാട്ടുകര, തൃശ്ശൂര്‍. e-mail: lizyvalentines@gmail.com Mob: 7994977931
