Description
പോര്‍ച്ചട്ടയണിഞ്ഞു നില്ക്കുന്നവര്‍ക്കു മുന്നിലേക്ക് നിര്‍ഭയനായും നിരായുധനായും കടന്നുവരുന്ന കൃശഗാത്രനായ ഒരു പോരാളിയാണ് മെസ്സി. ഒരുപക്ഷേ, അതുകൊണ്ടാവും, എതിരാളിയില്‍ അവന്‍ കൂടുതല്‍ ഭയമുണര്‍ത്തുന്നത്. അതിലൊരു മനശ്ശാസ്ത്രയുദ്ധംകൂടി ഉണ്ടല്ലോ!
-ഒ.ആര്‍. രാമചന്ദ്രന്‍
റൊസാരിയോയിലെ ഒരു ഫാക്ടറിത്തൊഴിലാളിയുടെ മകനായി ജനിച്ച്, കുട്ടിക്കാലത്ത് വളര്‍ച്ചാപ്രശ്‌നങ്ങള്‍ നേരിട്ടും സാമ്പത്തികപ്രതിസന്ധികള്‍ക്കിടയിലൂടെയും കടന്നുപോയ ലിയോ, ലോകഫുട്‌ബോള്‍ ഇതിഹാസമായ ലയണല്‍ മെസ്സിയിലേക്കു വളര്‍ന്നതിനു പിന്നില്‍ കഠിനാദ്ധ്വാനവും അചഞ്ചലമായ മനസ്സുമുണ്ട്. ആ വളര്‍ച്ചയുടെ മൂന്നു പതിറ്റാണ്ടുകളെ ഈ പുസ്തകം അടയാളപ്പെടുത്തുന്നു.
ശാരീരികക്ഷമതയുടെ മാത്രം കളിയല്ല, സര്‍ഗാത്മകമായ മുന്നേറ്റങ്ങളുടെയും തനതുശൈലിയുടെയും മാസ്മരികതകൂടിയാണ് ഫുട്‌ബോള്‍ എന്നു തെളിയിച്ച കാല്‍പ്പന്ത് ഇതിഹാസത്തിന്റെ ജീവിതകഥ
