Description
മലയാളത്തില്‍ ഒരു അധ്യാപകന്‍ പ്രകാശിപ്പിക്കുന്ന
ആദ്യത്തെ സര്‍വീസ് സ്റ്റോറിയെന്ന നിലയില്‍
ഈ കൃതി ചരിത്രപ്രാധാന്യം നേടിയിരിക്കുന്നു.
സരളമധുരമായ ശൈലി, നര്‍മരസപ്രധാനമായ ആഖ്യാനം,
സമാകര്‍ഷകമായ സ്വഭാവ ചിത്രണം-ഇവയൊക്കെയും
സമ്മേളിക്കുന്നതുമൂലം പാഠം മുപ്പത് ഹൃദയാവര്‍ജകമായ
ഒരു സാഹിത്യകൃതിക്കു തുല്യം മനോഭിരാമമായി
രൂപം പ്രാപിക്കുകയും ചെയ്തിരിക്കുന്നു.- എം.കെ. സാനു
മൂന്നു പതിറ്റാണ്ടിലെ അധ്യാപക ദിനങ്ങളിലേക്കുള്ള
ഗൃഹാതുരമായ ഒരു മടക്കയാത്ര. കുട്ടികളും ക്ലാസ്മുറികളും
സഹപ്രവര്‍ത്തകരും സംഭവബഹുലമായ ആ കാലവും
തന്റെ ജീവിതത്തെയും എഴുത്തിനെയും എങ്ങനെ
സ്വാധീനിച്ചു എന്ന് രേഖപ്പെടുത്തുകയാണ് അക്ബര്‍ കക്കട്ടില്‍.
വിദ്യാര്‍ഥികള്‍ക്കും അധ്യാപകര്‍ക്കും ഒരുപോലെ
ഈ പുസ്തകം പ്രചോദനം നല്‍കുമെന്നുറപ്പ്.
മൂന്നാം പതിപ്പ്.
