ഒരു ദേശത്തിന്റെ കഥ
₹650.00 ₹585.00
10% off
Out of stock
Get an alert when the product is in stock:
ജ്ഞാനപീഠപുരസ്‌കാരവും (1980) കേന്ദ്ര സാഹിത്യ അക്കാദമി അവാര്‍ഡും (1973) ലഭിച്ച കൃതി.
അതിരാണിപ്പാടം- സത്യവും ധര്‍മ്മവും ജീവിത ശാസ്ത്രമാക്കിയ കൃഷ്ണന്‍മാസ്റ്റര്‍. തലമുറകളായി ഐശ്വര്യത്തിലും പ്രതാപത്തിലും വര്‍ത്തിച്ച കേളഞ്ചേരി തറവാടിനെ നശിപ്പിക്കുകയും സ്വയം നശിക്കുകയും ചെയ്ത കുഞ്ഞിക്കേളുമേലാന്‍, കോരന്‍ ബട്‌ളര്‍, കുളൂസ് പറങ്ങോടന്‍, പെരിക്കാലന്‍ അയ്യപ്പന്‍, ആധാരം ആണ്ടി, ശകുനിക്കമ്പൗണ്ടര്‍, മീശക്കണാരന്‍, കൂനന്‍വേലു, ഞണ്ടുഗോവിന്ദന്‍, തടിച്ചി കുങ്കിച്ചിയമ്മ, വെള്ളക്കൂറ കുഞ്ഞിരാമന്‍, കുടക്കാല്‍ ബാലന്‍- ഇവരെല്ലാം അതിരാണിപ്പാടത്തെ വെള്ളവും വളവുമുള്‍ക്കൊണ്ട്, ആ അന്തരീക്ഷത്തിന്റെ ഇരുട്ടും വെളിച്ചവുമേറ്റ് വളര്‍ന്ന മനുഷ്യരാണ്. ശ്രീധരനും അവരിലൊരാള്‍തന്നെ. ഒരു ദേശത്തിന്റെയും അവിടെ ജീവിച്ച തലമുറയുടെയും ഹൃദയത്തുടിപ്പുകള്‍ പൊറ്റെക്കാട്ടിന്റെ ആത്മകഥാപരമായ ഈ നോവലില്‍ വശ്യസുന്ദരമായി ഇതള്‍ വിരിഞ്ഞുനില്‍ക്കുന്നു.
ജ്ഞാനപീഠപുരസ്‌കാര ജേതാവായ മലയാളത്തിലെ പ്രിയപ്പെട്ട കഥാകൃത്തും സഞ്ചാരസാഹിത്യകാരനും. 1913ല്‍ കോഴിക്കോട്ട് ജനിച്ചു. അധ്യാപകനും കോണ്‍ഗ്രസ് പ്രവര്‍ത്തകനുമായിരുന്നു. 1949ല്‍ കപ്പലില്‍ ആദ്യത്തെ ലോകസഞ്ചാരം. കമ്യൂണിസ്റ്റ് പാര്‍ട്ടിയുടെ പിന്തുണയോടെ 1962ല്‍ പാര്‍ലമെന്റംഗമായി. ഇരുപതു ചെറുകഥാസമാഹാരങ്ങളും നാടന്‍പ്രേമം, മൂടുപടം, വിഷകന്യക, കറാമ്പൂ, പ്രേമശിക്ഷ, ഒരു തെരുവിന്റെ കഥ, ഒരു ദേശത്തിന്റെ കഥ എന്നീ നോവലുകളും നിരവധി സഞ്ചാരസാഹിത്യകൃതികളും രചിച്ചു. 1982ല്‍ അന്തരിച്ചു.
