Description
പിൻനിലാപ്പാത
കവിയും ഗാനരചയിതാവും മാദ്ധ്യമപ്രവര്‍ത്തകനുമായ
പ്രഭാവര്‍മ്മയുടെ ആത്മകഥയുടെ ഒന്നാം ഭാഗം.
തന്റെ വ്യക്തിത്വത്തെ രൂപപ്പെടുത്തിയ ബാല്യകൗമാരങ്ങളെ
അതിന്റെ സാംസ്‌കാരിക ചരിത്രപശ്ചാത്തലത്തില്‍ ഇവിടെ
രേഖപ്പെടുത്തുന്നു. സ്വന്തം പൈതൃകത്തിന്റെയും
പൂര്‍വ്വപിതാമഹന്മാര്‍ ജീവിച്ച കാലത്തിന്റെയും
ദേശത്തിന്റെയും ചരിത്രവും വേരുകളും
ഈ കൃതിയില്‍ അനാവരണം ചെയ്യപ്പെടുന്നു.
കവിതയും കാവ്യാനുശീലനവും പകര്‍ന്നുനല്‍കിയ
നിര്‍ഭയത്വത്തിന്റെ പരമാനന്ദം ഉള്‍ക്കരുത്തായിട്ടുള്ള ആത്മകഥ
ദിൽ സേ ദില്ലി സേ
വ്യക്തിജീവിതത്തില്‍നിന്നു ഭിന്നമായ പൊതുജീവിതവും
ഔദ്യോഗികകാലവും കടന്നുവരുന്ന ഈ രണ്ടാം ഭാഗം
ഒരു ദേശത്തിന്റെയും കാലത്തിന്റെയും
സാംസ്‌കാരികപഠനമെന്ന നിലയിലും ശ്രദ്ധേയമാണ്.
ഡല്‍ഹിയില്‍ പ്രവര്‍ത്തിച്ച സംഭവബഹുലവും പ്രകമ്പിതവുമായ
ഒരു കാലവും നിരവധി വ്യക്തികളും വ്യക്തിബന്ധങ്ങളും
ഈ പുസ്തകത്തില്‍ ധന്യതയോടെ
അനുസ്മരിക്കപ്പെടുന്നു.
പത്രപ്രവര്‍ത്തകനെന്ന നിലയിലുള്ള ഡല്‍ഹി ജീവിതകാലത്തെ സാമൂഹിക-രാഷ്ട്രീയ പശ്ചാത്തലത്തില്‍ അവതരിപ്പിക്കുന്ന ആത്മകഥ
