ഇന്ദ്രനീലം
₹70.00 ₹63.00
10% off
Out of stock
Get an alert when the product is in stock:
എസ്.കെ. പൊറ്റെക്കാട്ട്
കാലത്തിനുപോലും മായ്ക്കാന്‍ കഴിയാത്ത ചുമര്‍ചിത്രങ്ങള്‍ പോലെ, അനുവാചകരുടെ ഹൃദയഭിത്തികളില്‍ പതിഞ്ഞുകിടക്കുന്ന വര്‍ണപ്പൊലിമയുള്ള കഥകളാണ് എസ്.കെ. പൊറ്റെക്കാട്ടിന്റേത്. എഴുത്തുകാരന്‍ കാണുന്ന കാഴ്ചകളിലും അനുഭവിക്കുന്ന അനുഭൂതികളിലും വായനക്കാരനേയും ഭാഗഭാക്കാക്കാനുള്ള അദ്ഭുതകരമായ കഴിവാണ് എസ്.കെ.പൊറ്റെക്കാട്ടിന്റെ രചനകളിലെ സവിശേഷത. ദിവാകരന്റെ അച്ഛന്‍, ടൈംപീസിന്റെ കഥ, ഹമീദ്ഖാന്‍, പട്ടുകുപ്പായം, ചൂലി, ഒട്ടകം എന്നീ കഥകളും എസ്.കെ.യുടെ മറ്റുകഥകള്‍ പോലെ ചേതോഹരം തന്നെയാണ്.
ജ്ഞാനപീഠപുരസ്‌കാര ജേതാവായ മലയാളത്തിലെ പ്രിയപ്പെട്ട കഥാകൃത്തും സഞ്ചാരസാഹിത്യകാരനും. 1913ല്‍ കോഴിക്കോട്ട് ജനിച്ചു. അധ്യാപകനും കോണ്‍ഗ്രസ് പ്രവര്‍ത്തകനുമായിരുന്നു. 1949ല്‍ കപ്പലില്‍ ആദ്യത്തെ ലോകസഞ്ചാരം. കമ്യൂണിസ്റ്റ് പാര്‍ട്ടിയുടെ പിന്തുണയോടെ 1962ല്‍ പാര്‍ലമെന്റംഗമായി. ഇരുപതു ചെറുകഥാസമാഹാരങ്ങളും നാടന്‍പ്രേമം, മൂടുപടം, വിഷകന്യക, കറാമ്പൂ, പ്രേമശിക്ഷ, ഒരു തെരുവിന്റെ കഥ, ഒരു ദേശത്തിന്റെ കഥ എന്നീ നോവലുകളും നിരവധി സഞ്ചാരസാഹിത്യകൃതികളും രചിച്ചു. 1982ല്‍ അന്തരിച്ചു.
