”വഴങ്ങാന്‍ കൂട്ടാക്കാത്ത ഭാഷയെ തന്റെ ആജ്ഞാനുവര്‍ത്തിയാക്കുന്നതിന് ഈ കവി അനുഷ്ഠിച്ച ആദ്യകാലാഭ്യാസങ്ങള്‍ ഈ സമാഹാരത്തിന്റെ തുടക്കത്തില്‍ നമുക്ക് കാണാം. വയസ്സ് മൂത്ത സമകാലികര്‍ പല വിധത്തില്‍ പ്രപഞ്ചനം ചെയ്തിട്ടുള്ള ആശയങ്ങള്‍ , തനിക്ക് വഴങ്ങിത്തുടങ്ങിയ ഭാഷയില്‍ ആവിഷ്‌കരിക്കുന്ന അനുകരണകാലഘട്ടത്തിലെ സൃഷ്ടികളും അവയോടൊപ്പമുണ്ട്. ക്രമേണ ശൈലീസ്ഥൈര്യം നേടിയെടുത്ത കവി വിഷയസ്വീകരണത്തിലും പ്രതിപാദനത്തിലും തനതായ, വ്യതിരിക്തമായ വ്യക്തിത്വം ആര്‍ജിക്കുന്നതും നമുക്ക് ഈ സമാഹാരത്തില്‍ വ്യക്തമായി നിരീക്ഷിക്കാം. ഇടശ്ശേരിയുടെ പൗരഷം മുറ്റിയ കവിവ്യക്തിത്വത്തിന്റെ അനുക്രമവികാസവും പാര്യന്തികസാഫല്യവും കാണുന്നതിന് ഈ സമാഹാരത്തെ മാത്രമേ ആശ്രയിക്കേണ്ടു”- എന്‍ . വി. കൃഷ്ണവാരിയര്‍

മലയാളത്തിന്റെ മഹാകവി ഇടശ്ശേരി ഗോവിന്ദന്‍ നായരുടെ സമ്പൂര്‍ണ കവിതാസമാഹാരം. 1929 മുതല്‍ 1974 വരെ 45 വര്‍ഷങ്ങളില്‍ വ്യാപിച്ചുകിടന്ന ഇടശ്ശേരിയുടെ കാവ്യസപര്യയുടെ സദ്ഫലങ്ങള്‍.

പുതിയ പതിപ്പ്.
ഗവേഷണം, എഡിറ്റിങ്: പ്രൊഫ.കെ.ഗോപാലകൃഷ്ണന്‍
എന്‍ .വി. കൃഷ്ണവാരിയരുടെ അവതാരിക.
കവര്‍ : ശ്രീലാല്‍ . എ.ജി