നമ്മുടെ സംസ്കാരവും വൈവിധ്യവും അനുഷ്ഠാനവും മാനവ മൈത്രിയുമെല്ലാം നിറഞ്ഞു നിൽക്കുന്ന പ്രഭാഷണങ്ങൾ. വള്ളുവനാടിന്റെ പൈതൃകവും നാടോടിപ്പാട്ടിന്റെ ശീലും കവിതയുടെ താളവും ഈ പ്രഭാഷണങ്ങളെ താളാത്മകമാക്കുന്നു. രാമായണവും ഖുർ ആനും നാരാ യണഗുരുവും കുറിയേടത്തു താത്രിയുമെല്ലാം കടന്നുവരുന്നു ഈ പ്രഭാഷണങ്ങളിൽ.
പ്രഭാഷണകലയുടെ കുലഗുരുവായ അഴീക്കോട് മാഷ്, ഒരഭിമുഖത്തിൽ ആലങ്കോടിനെക്കുറിച്ച് പറഞ്ഞതിങ്ങനെ “ഇന്നുള്ള പ്രഭാഷകരിൽ പറയാനറിയുന്നവൻ ലീലാകൃഷ്ണനാണ്.”